LAOAG CITY – Nagtalinaed ti seguridad kabayatan ti pannakaiyuswat ti tignay protesta iti EDSA dagiti progresibo a grupo pakairamanan ti Kabataan Partylist, Panday Sining, Kalayaan Kontra Korapsyon (KKK), ken Akbayan.
Gagem ti protesta ti panangipakita da ti panangkontra da iti agtultuloy a korapsyon iti gobierno, panawagan para iti transparency, ken panangkontra da iti addang a mangpakapsot iti demokratiko nga institusyon ti pagilyan.
Bitbit dagiti agtutubo ken aktibista ti panawagan para iti panagsungbay dagiti adda iti turay, pakairamanan iti ehekutibo ken lehislatura.
Ti rally ket manamnama nga agpaot agingga intono malem ken adda pay dagiti dadduma nga aktibidad kas iti spoken word performances, mural painting, ken dagiti saritaan mainaig iti pakasaritaan ti EDSA ken ti agdama a sitwasyon ti pagilyan.
Nagpalagip dagiti organizer iti natalna a panagtitipon ken silulukat daytoy kadagiti mangayat a makikaysa.
Kabayatanna, addan to pay ti sabali manen a rallt intono Setyembre 21, 2025.
