LAOAG CITY – Nagtennag iti riribok ti nagbaetan dagiti demosntrador ken pulis ti protesta iti pannakatay ti maysa a ride-sharing driver a nadungpar ti police vehicle idiay Indonesia.
Tallo a tattao ti natay ken lima pay ti nasugatan idi napuoran ti regional parliament idiay Makassar, South Sulawesi ken nagusar met dagiti pulis ti tear gas tapno mapapaw dagiti nangiyuswat ti tignay protesta iti Jakarta ken Surabaya.
Ummuna iti daytoy, natay ti agtawen ti 21 a ni Affan Kurniawan ket makipagpaspaset met laeng kadagiti anti-government protests.
Mainaig iti daytoy, ti tignay protesta ket maysa a pannubok kenni President Prabowo Subianto pakaseknan met iti housing kadagiti pulitiko ken iti cost-of-living issues.
Kabayatanna, iti pannakaitabon Affan Kurniawan, adda pay ni Jakarta police chief Asep Edi Suheri ken ti opisyal a ni Rieke Dyah Pitaloka ken ti dati a Jakarta governor Anies Baswedan kageddan ti panangirakurak na a maimbestigar a nasayaat ti insidente ngem nagpanawagan dagiti tattao nga isardengen ti panangiyuswat ti tignay protesta.
