LAOAG CITY – Kalikagum ni Gilas Pilipinas head coach Tim Cone ti panangnayun pay dagiti umaayam.
Inbatadna a naaddaan ti problema ti bilang dagiti umaayam idi adda ti nagsagaba ti injury iti kangitingitan ti FIBA Olympic Qualifying Tournament idiay Riga, Latvia.
Maysa kadagiti ad-adalenna ket ti maaddaan ti 12 nga umaayam ken 12 a reserves.
Inpetteng a no mabalin ket mapagtalinaed dagiti 12 nga umaayam ti iserrekna ngem naaddaan ti dakkel a problema idi nagsagaba ti injuries dagiti sumagmamano a Gilas players.
Maipalagip nga idi last minute ti FIBA Olympic Qualifying Tournaments ket inikkatda iti listaan ni Scottie Thompson kalpasan a nagsagaba daytoy ti injury isu a nagbati laeng dagiti 11 nga umaayam ti Gilas.
Innayonna a maammoan ti desision agingga inton bulan ti Nobiembre sakbay ti panangrugi ti FIBA Asia Cup 2025 qualifiers.
