LAOAG CITY – Adda ti time-table na ti pannakarebisar dagiti list of codes iti lokal gobierno ditoy ciudad ti Laoag a naited kadagiti kameng ti konseho.
Segun kenni Presiding Officer /Vice Mayor Rey Carlos Fariñas a sipud idi nagtugaw kas bise mayor ditoy ciudad ket inpasigurado na ti usto pannaka-update wenno renew dagitoy.
Inbatad na a basar iti linteg ket kasapolan nga iti kada lima a tawen ket marebisar dagiti list of codes iti lokal a gobierno.
Kunana a no saan nga alerto ti chairman ti kada komite ket adda latta isuna a mangipalpalagip kadakuada gapu ta napateg daytoy a banag .
Inpakaamo na nga addan ti tallo a code iti inaprobran da ken sumarsaruno pay dagiti dadduma.
Kabayatanna, naamoan a dagiti list of codes ket pakairamana iti transportation, Health and public sanitation , Market and slaughter house, Agriculture, Ways and Means, Investment and incentive code, DPS code , Comprehensive Code, Traffic ken Tourism Code ken dadduma pay.
