LAOAG CITY – Naglikudan ni dati a Senador Vicente Tito Sotto a naawatna ken nabasana ti script ti pelikula ni Darryl Yap a “The Rapist of Pepsi Paloma.”
Inbatad ni Sotto nga awan ti kinapudnona ti inrakurak ti abugado ni Yap a ni Atty. Raymond Fortun nga intedda iti kabsatna a ni Vic del Rosario ti script.
Ni Vic Del Rosario ti nangimaton iti Viva Films nga isuna pay ti nangaramid iti pelikula ni Yap a “Maid in Malacanang.”
Maipalagip a kinasoan ti aktor a ni Vic Sotto ni Yap kalpasan a nadakamat ti naganna iti paset ti nasao a pelikula.
