LAOAG CITY – Nagun-od ti TNT Tropang Giga ti kampeonato ti PBA 49th Season Commissioner’s Cup kalpasan nga inabakna ti Barangay Ginebra iti iskor nga 87-83 iti overtime Game 7.
Maibilang a bannuar iti panagballigi ti TNT ni Glenn Khobuntin a naiserrek ti crucial a three points nga addaan ti nabatbati a 2:22 nga overtime tapno magun-odda ti iskor nga 85-79 a lamang.
Dimmanon iti overtime ti ay-ayam idi maiserrek ni Justin Brownlee ti Ginebra ti three-point iti nabatbati a 16.7 seconds ti last quarter.
Iti panagserrek ti extra time ket napagtalinaed ti TNT ti composure-da uray adda ti ang-angalen nga injury iti panagay-ayam ti import-da a ni Rondae Hollis-Jefferson.
Daytoyen ti maika-11 PBA title ti TNT ken maikadua iti 49th season no sadinno maysa a conference title laengen ket magun-oddan ti grand slam.
