LAOAG CITY – Naidumduma ti maysa a tourist attraction idiay China gapu ta nainstolaran daytoy iti digital timers iti ngato ti public toilet tapno ipakita no kasano kapauten ti maysa nga indibidual nga agus-usar iti toilet stalls.
Naipaam-ammo ti sistema iti Yungang Grottoes iti Shanxi Province iti 2024.
Iti tunggal stalls ket adda naka-display a color red no adda tao iti uneg ken isu ti pagrugan ti timer. No awan ti tao iti stall, ag-color green met iti ma-display.
Kinuna dagiti otoridad a daytoy ket tapno mangtulong kadagiti naruay a tattao ken mapakdaaran dagiti staff ni agpaut ti maysa nga indibidual iti uneg.
Nupay kasta, awan ti naikeddeng a time limit ken saan a mapuersa dagiti bisita a tumalaw.
