LAOAG CITY – Balligi a naarestar iti ili ti Dingras ti Top 1 Most Wanted person iti regional level ken sumagsango iti kaso a rape ken statutory rape babaen iti PNP-Dingras ken intelligence units ti Ilocos Norte Police Provincial Office.
Kuna ni PCapt. Norman Pentang, hepe ti PNP-Dingras a ti suspek ket tubo ditoy siudad ti Laoag ken nakemmeg iti Brgy. San Marcelino iti nasao nga ili.
Immuna iti daytoy, inbatad na nga agtawen ti 14 ti biktima ti suspek nu sadino a nangrugi ti namin ado a panagrames idi 2022.
Innayun na a basar iti biktima ket napasamak iti ili ti Vintar ti naudi a panangrames kenkuna ti suspek ken bayat nga adda da iti uneg ti lugan.
Kuna na a kalpasan ti insidente ket isu ti panangireport ti biktima ken napilaan ti suspek ti kaso.
Inbatad na nga Enero ita a tawen a naiparuk-at ti warrant of arrest ti suspek ken dagus a naiyuswat ti pannakabirok daytoy agingga a natiliw.
Nagtalinaed ti suspek iti kustodyar ti PNP-Dingras sakbay a maipaima iti korte naggapoan ti warrant of arrest.
