LAOAG CITY – Balligi a naarestar ti Top 1 Most Wanted Person iti Municipal Level iti Brgy. Sto. Nino iti ili ti Nueva Era.
Iti report ti PNP iti nasao nga ili, ti suspek ket agtawen ti 43, awanan ti asawa ken residente iti nadakamat a barangay.
Naarestar daytoy babaen ti bileg ti Alias Warrant of Arrest a napetsaan idi Hulyo 25, 2022 ken inparuk-at ni Hon. Corpus Bonnit Alzate, Presiding Judge iti RTC Branch 2 iti Bangued, Abra gapu iti panaglabsing ti Comprehensive Law on Firearms and Ammunition wenno RA 10591 ken Omnibus Election Code kas naamyendaran iti Comelec Resolution no. 10728.
Naiserbi ti piyansa a PHP 120,000.00 ken PHP 36,000.00 iti tunggal kaso para iti temporaryo a pannakawaya-waya ti suspek.
Kabayatanna, nagtalinaed daytoy iti kustodyar ti PNP-Nueva Era para iti umno a disposition ken dokumentasyon.
