LAOAG CITY – Natiliw ti Number 1 most wanted person ti PNP Banna babaen ti bileg ti warrant of arrest nga inserbi dagiti pannakabagi ti CIDG Ilocos Norte kadua da dagiti pannakabagi ti 104th Maritime Station, Provincial Intelligence Branch ken ti PNP Banna.
Nabigbig ti akusado a ni Jhomar Joaquin y Silvano, agtawen ti 31, tubo iti Brgy. 14 Sinamar iti ili ti Banna ken agnanaed iti PNR site FTI Compound, Taguig City.
Natiliw ti akusado iti nasao a pagnanaedan na idiay Taguig City.
Ti warrant of arrest ket inparuk-at ti Hon. Perla Querubin, huwes iti RTC, FJR, Branch 11 ditoy siudad ti Laoag idi Enero 19, 2012.
Awan ti nairekomendar a piyansa ti akusado gapu ti kaso nga Statutory Rape kasta met nga awan ti nairekomendar a piyansa iti kaso na pay a Sexual Assualt.
Nagtalianed ti akusado iti kustudyar ti CIDG ken maipaima daytoy iti korte a naggapuan iti warrant of arrest.
Maipalagip a napasamak ti panagrames ti akusado idi tawen 2010 ken rimwar laeng ti warrant of arrest idi tawen 2012.
