LAOAG CITY – Natiliw ti maysa a lalaki babaen ti naiyuswat a drug buy bust operation ti nagtitipon a puersa ti PDEU, PDEA ken PNP iti Brgy. 5 ditoy siudad ti Laoag.
Nabigbig ti suspek a ni Richard Rapisura, agtawen ti 32, residente iti Brgy. 2 ditoy siudad.
Naamuan a biyahero ti suspek a naggapu iti Metro Manila ken naglugan iti Toyota Fortuner a nagmaris ti nangisit, addaan ti plate number NAE 7032.
Naglikudan ni Rapisura a naglako ti iligal a druga ngem inadmitir na a drug surenderee daytoy ken dati a nagusar iti iligal a druga.
Segun kenni Police Chief Master Sergeant Harold Nicolas, mangidadaulo iti Provincial Drug Enforcement Unit ti INPPO, leader ti suspek iti drug group ditoy probinsya.
Kuna na a maibilang a Top 10 iti regional drug watchlist ken maibilang nga high value individual.
Inbatad ni Nicolas a no naggapu iti Manila ket adda dagiti official business na ngem irapin na agitransport ti maipagarup nga iligal a druga.
Nagkedked met nga idetalye ni Nicolas no sadinno dagiti pakaikabilan dagiti maibiyahe nga iligal a druga.
Nagusar dagiti otoridad ti maysa a genuine 1,000 pesos ken 9,000 a boddle money, tdua a sachet a naglaon ti maipagarup a shabu a nagatang, ken 16 a sachet a naglaon ti maipagarup a shabu iti ikot na.
