LAOAG CITY – Inpakaamo ni PMSgt. Harold Nicolas, mangidadaulo ti Philippine Drug Enforcement Unit ditoy probinsya a maysa nga High Value Individual ken miembro ti RAPISORA Drug Group ti akusado a natiliw iti Brgy. 4 ditoy siudad ti Laoag.
Segun ken ni Nicolas, ti akusado a ni Weimilone Paguirigan y Asuncion, agtawen ti 41, tubo iti ili Brgy. 4 iti ili ti San Nicolas ngem agnanaed iti nasao a barangay ket Top 10 iti Regional Drugs Watchlist PRO1.
Inbatad na nga adda uppat a bolan a namonitor ni Asuncion gapu kadagiti iligal nga aktibidad na ditoy probinsya ken adda ti koneksyon iti nagduduma a probinsya iti intero a Rehiyon 1.
Nakumpiskar manipod iti ikot ti suspek ti P4,000 a boodle money, P1,000 personal a kwarta ken maysa a cellphone,
Kabayatanna, malaksid iti dua a sachet a naglaon ti maipagarup a shabu ken nailako iti nagpammarang a posuer buyer ket adda pay ti nakumpiskar a dua a sachet a naglaon met laeng ti maipagarup a shabu ken agdagsen daytoy ti 3.60 a gramo.
Kabayatanna, naarestar ni Asuncion babaen ti inyuswat nga anti-illegal drug buy bust operation ti PDEU-INPPO, PIU INPPO, Laoag City PS, Batac CPS, RDEU-PRO1 ken PDEA-Ilocos Norte.
Iti agdama ket maisagsagsagnan ti kaso a panaglabsing ti Sec 5 ken 11 ti RA 9165 wenno Comprehensive Dangerous Drugs Acts of 2002 kontra kenni Asuncion.
