LAOAG CITY – Natiliw ti Top 12 Most Wanted person ti probinsya babaen kadagiti kameng ti PNP Bangui, ken PNP Pagudpud idi rabii.
Nabigbig ti akusado a ni Sherwin Gaces, agtawen ti 45, ken residente iti Brgy. Utol iti ili ti Bangui.
Segun kenni Police Major Julius Basallo, hepe ti PNP Bangui, natiliw ti akusado iti nasao a barangay babaen ti bileg ti warran of arrest manipud iti RTC Branch 19.
Awan ti nairekomendar a pyansa ti akusado iti kaso na a rape idinto a 200 a ribo a pisos ti nairekomendar a pyansa para iti kaso na nga Acts of Lasciviousness.
Innayon ni Basallo a napasamak ti insidente idi tawen 2019 no sadinno ti biktima ket ti shoman daytoy.
Manamnama a maipaima ti akusado iti korte a naggapuan ti warrant of arrest.
