LAOAG CITY – Natiliw ti top 2 most wanted ditoy probinsya babaen ti bileg ti warrant of arrest.
Nabigbig ti akusado a ni Julis Cesar y Cainglit, agtawen ti 33, naasawaan ken tubo Brgy. 23 iti nasao nga ili ngem agdama nga agnanaed iti Brgy. Suba iti ili ti Paoay.
Segun ken ni PLt. Ashley Cacaorin, ti deputy chief of police ti PNP-San Nicolas natiliw ti akusado iti mismo a pagtaengan na.
Inbatad na a sumango daytoy iti kaso a murder ken ti warrant of arrest ket naisyu pay laeng idi tawen 2011.
Immuna iti daytoy, inpakaammo ni Cacaorin a naglemlemmeg ti akusado nu sadino a nagakar-akar iti pagnanaedan tapno saan a matiliw.
Innayun na a binaliwan pay ti akusado ti nagan na pakairamanan ti pisikal nga itsura na.
