LAOAG CITY – Balligi a naarestar dagiti kameng ti PNP ditoy siudad ti Laoag, CIDG ken provincial intelligence office ti Top 2 most wanted person ditoy probinsya nga Ilocos Norte.
Ti akusado ket agtawen ti 60, mannalon ken residente iti Brgy. 52-A ditoy siudad ti Laoag.
Naarestar ti akusado babaen iti bileg ti warrant of arrest nga inparuk-at ni Hon. Bonhoeppher Vergara Vernardez, assisting judge iti RTC branch 11 ditoy siudad ken napetsaan iti Pebrero 4 , 2022 gapu iti kaso a 3 counts ti RA 7610 wenno ti Special Protection of Children Against Abuse, Exploitation and Discrimination Act.
Iti agdama ket nagtalinaed ti akusadao iti kustodyar ti PNP-Laoag.
Nairekomendaran daytoy ti 200 a ribo a pisos a piyansa iti tunggal count ti kaso para iti temporaryo a pannakawaya-waya na.
