LAOAG CITY – Natiliw ti Top 2 Most Wanted Person – Provincial Level gapo iti kaso na a qualified theft.
Ti akusado ket agtawen ti 37, naasawaan, tubo iti Barangay 23, Sta. Cecilia iti ili ti San Nicolas ken agdama nga agnanaed iti #47 Argame Street, New Lower Bicutan, Taguig City, Metro Manila nga isu ti nakatiliwan na.
Naarestar daytoy babaen ti nagtitipon a pwersa ti Provincial Special Enforcement Team, INPPO nga idadaulwan ni PLT TOLENTINO F. ERUM JR, San Nicolas MPS , Provincial Director kasta pay ti PIU-INPPO, INTPU, 101st MC, RMFB1, 144 Special Action Company/14 Special Action Batallion ken kameng ti Taguig Police Station.
Ti Alias Warrant of Arrest ket napetsaan iti May 28, 2012 ken inparuk-at ni Hon. Judge Charles A Aguilar iti Branch 12 Laoag City gapo iti kaso na a qualified theft.
Awan met ti nairekomendar a pyansa ti suspek iti daytoy.
Iti agdama, nagtalinaed ti akusado iti kustudiyar ti San Nicolas PNP ken manamnama a madatag iti korte a naggapoan ti warrant.
