LAOAG CITY – Nagballigi dagiti otoridad a nangtiliw ti maibilang kas Top 2 Most Wanted Person iti ciudad ti Batac.
Ti akusado ket agtawen ti 29, baro, tattoo artista ken residente iti Barangay 11, Ben-agan iti nadakamat a ciudad.
Naarestar ti akusado babaen ti bileg ti warrant of arrest nga inparuk-at ni Hon. Dina Myrtle Morales Pacquing iti Branch 6, Family Court iti ciudad ti Batac gapu iti kaso na a Less Serious Physical Injuries In Relation to Other Acts Of Child Abuse iti babaen ti Article 265 Paragraph 1 ti Revised Penal Code.
Nairekomendar ti 120 ribo a pisos a piyansa ti akusado para iti temporaryo a pannakawaya-waya na.
