LAOAG CITY – Inrakuraken ti Miss Universe Philippines ti Top 3 winners iti Best in National Costume ita a tawen iti Sultan Kudarat Gymnasium and Cultural Center.
Manipod kadagiti 53 a kandidata a nagbibinnalubal iti national costume competition, ad-adda a nangipakita ti kinapintas ti national costume da Tamara Ocier ti Tacloban, Alexie Brooks ti Iloilo ken Jet Hammond ti Southern California.
Ti national costume ti Miss Universe Philippines 2024 ket addaan ti tema a “Philippine Flora and Fauna” no sadino nga inpakita dagiti kandidata dagiti nagduduma a talento dagiti Pilipino maipapan iti disenio.
Ti national costume ni Ms. Tacloban ket indisenio ni Charlotte Rodriguez nga inspired ti sun goddess nga addaan ti kombinasion ti Monitor lizard ti Tacloban a maaw-awagan kas Halo ti locals.
Inpabuya met ni Ms. Iloilo ti spider-inspired national costume daytoy a maibasar iti “Ugto-ugto” a maysa a sarita ti Ilonggo para iti orb-weaved spider nga aramid ni Tata Blas-Pinuela.
Idinto nga inrampa met ni Ms. Southern California ti national costume nga inspired iti Tubbataha reef a dinisenio ni Ehrran Montoya.
Ti tunggal a nangabak a kandidata ket makaawat ti P100,000 cash.
Nagyaman ti Miss Universe Philippines organization kadagiti amin a delegates ken ti provincial government ti Sultan Kudarat iti panangidaulo ni Gov. Datu Pax Mangudadatu para iti nasao a memorable event.
Naituding a maisayangkat ti Miss Universe Philippines 2024 coronation night inton Mayo 22 iti Mall of Asia arena.
Ipasa ni reigning Miss Universe Philippines Michelle Dee ti korona iti successor-na a mangibagi iti Pilipinas iti Miss Universe stage a maangay met idiay Mexico.
