LAOAG CITY – Balligi a naarestar ti top 3 most wanted person ditoy probinsya iti ili ti Solsona.
Ti akusado ti agtawen ti 39, naasawaan, mannalon ken residente iti Brgy. Santiago iti nasao nga ili.
Segun ken ni PCapt. Belen Baoit, ti hepe ti PNP-Solsona, naarestar ti akusado iti mismo a pagtaengan na.
Inbatad na a daytoy ket babaen ti bileg ti warrant of arrest nga inparuk-at ni Hon. Dina Morales Paquing, presiding judge ti regional trial court branch 11 ditoy siudad ti Laoag gapu iti kaso nga acts of lasciviousness.
Nagtalinaed ti akusado iti kustodyar ti PNP-Solsona ken manamnama a maidatag iti korte a naggapoan ti warrant of arrest.
Kabayatanna, nairekomendar ti 200 a ribo a piso a piyansa para iti temporaryo a pannakawaya-waya na.
