LAOAG CITY – Naarestar ti Top 3 most wanted person ditoy probinsya iti siudad ti Batac babaen kadagiti kameng ti PNP-Nueva Era.
Binigbig ni PLt. Tolentino Erum, ti hepe iti PNP Nueva Eara ti akusado a ni Jesus Arman y Calimlim, agtawen ti 37, tricycle driver ken residente iti Brgy. 28 iti siudad ti Batac.
Segun ken ni Erum, ti pannakaarestar ti akusado ket babaen iti bileg ti warrant of arrest nga inparuk-at ni Hon. Perla Querobin, judge ti RTC Branch 11 ditoy siudad ti Laoag ken napetsaan iti Mayo 2013 gapu iti kaso a panaglabsing ti RA 7610 wenno ti child abuse.
Awan met ti nairekomendar a piyansa para iti kaso daytoy ken manamnama a maidatag iti korte a naggapoan ti warrant of arrest.
