LAOAG CITY – Napalaos ti ragsak ni Ms. Julia Katrina Palaad Bonotan a nagbalin a Top 4 iti October 2023 Fisheries Professional Licensure Examination.
Segun kenni Bonotan, saan na a ninamnama a saan laeng a makapasa no diket agbalin ay a Top 4 iti kaipaparuk-at a resulta ti eksaminasyon.
Inbatad na a nakigtot a nairaman pay iti Top 10 gapo ta maysa kadagiti inbaga na iti bagbagi na ket agyamanen no makapasa gapo iti karigat ti eksaminasyon.
Inpakammo na pay a dandani saan na nga intuloy ti nageksamin gapo iti pressure nangruna ket Salutatorian isuna iti MMSU Class of 2023 ken buteng a saan a makapasa.
Nupay kasta, intuloy na daytoy babaen met laeng iti tulong dagiti tattao nga adda iti lawlawa na a namati iti kabaelan na ken simmuporta kenkuana.
Kageddan iti daytoy ket nagyaman iti pamilya, papagayam ken dagiti mangisursuro a dagitoy ti nagbalin nga inspirasyon na sipud nagadal, nagreview ken aginggga a naeskamin ken nakapasa.
Kabayatanna, napalaos ti ragsak ni Prof. Ernesto del Rosario, ti dean ti College of Aquatic Sciences and Applied Technology (CASAT) ti Mariano Marcos State University iti panagbalin a Top 4 iti Bonotan Fisheries Professional Licensure Examination.
Dinakamat na a dagiti kangrunaan a rason no apay nga adda dagiti agbalin a topnochers a graduate iti College of Aquatic Sciences and Applied Technology ket gapo iti panang-update ti curriculum ken babaen iti kalidad ti panagisuro dagiti mangisursuro.
Naamoan a daytoyen ti maikatlo a gundaway nga adda ti nairaman kadagiti topnochers gapo ta idi 2014 ket Top 1 ken Top 8 met idi 2020.
