LAOAG CITY – Kinumpirmaran ni Police Capt. Rafael Lero, hepe ti PNP Laoag a natiliw da ti most wanted person kadua da dagiti kameng ti Baguio City Police Station.
Kuna na a natiliw da ti akusado iti Camdas Baguio City babaen ti bileg ti warrant of arrest gapu iti kaso a panaglabsing iti Ra 9165 wenno Comprehensive Dangerpus Drugs Act of 2002 ken awan ti nairekomendar a piyansa na.
Segun kenni Lero, idi tawen 2016 a naiyuswat ti search operation iti pagtaengan ti akusado ken adda dagiti narekobre a shabu ngem nakalibas daytoy.
Inbatad na a tubo iti Brgy. 53 Rioeng ditoy siudad ti Laoag ti saanen a nainaganan nga akusado.
Innayon ni Lero a maibilang a Top 5 most wanted person ditoy probinsya ti nasao nga akusado.
Nagtalinaed ti akusado iti kustudyar ti PNP Laoag ti akusado sakbay a maipaima iti korte a naggapuan ti warrant of arrest.
