LAOAG CITY – Balligi ti pannakatiliw ti Top 5 Most Wanted Person iti Provincial Level, iti Barangay 12 ditoy ciudad ti Laoag.
Nabigbig daytoy a ni Dominador Mariano y Domingo, agtawen ti 53, awanan ti asawa ken residente iti nakadamat a barangay.
Natiliw daytoy babaen iti nagtitipon a pwersa ti Nueva Era MPS kas lead unit, ken Laoag CPS, PIU- INPPO ken 101st RMFB Bomitog.
Ti Alias Warrant of Arrest a napetsaan ti August 6, 2009 ket inparuk-at ni Hon. Perla B Querubin, Judge, RTC Branch 11 ditoy ciudad ti Laoag gapo iti panaglabsing na iti Acts of Lasciviousness iti babaen ti Art. 266-A iti Revised Penal Code in relation to RA iti 7610 nga addaan ti uppat a Criminal Case number a 13916,13917,13918 ken 3919.
Narekomendaran daytoy ti pyansa a 200 a ribo a pisos iti tunggal bilang isut gapo na nga agdagup amin ti 800 a ribo a pisos.
Basar iti impormasyon, ti pamilya a nagkasera idi kenni Mariano ti rumrumuar a nagbalin a biktima.
Segun kenni Police Lt. Tolentino Erum, ti chief of police ti PNP-Nueva Era, ti ammo ti akusado ket awanen ti kaso na gapo ta nabayagen daytoy. Iti agdama, ti akusado ket adda iti kustudiyar ti PNP-Nueva Era para iti umno a disposiyon ken dokumentasyon
