LAOAG CITY – Balligi a natiliw ti Top 6 Most Wanted Person iti ili ti Badoc.
Nabigbig ti akusado a ni alyas Balot, agtawen ti 35, maysa a mannalon ken residente iti Sitio San Julian, Barangay Bato, iti nasao nga ili.
Segun kenni Police Major Joseph Tayaban, ti chief of police ti PNP-Badoc, natiliw ni alyas Balot babaen iti nagtipon a pwersa ti PNP-Badoc, PNP-Batac ken ti Maritime Group a nakabase iti ili ti Currimao.
Ti warrant of arrest ket inyetnag ni Judge Maribel Mariano-Ariola iti RTC Branch 17 iti ciudad ti Batac a napetsaan ti Nobyembre 29, 2021 gapo iti kaso nga Acts of Lasciviousness.
Narekomendaran daytoy a makapagpyansa ti 200 a ribo a pisos.
Iti agdama ket nagtalinaed iti kustudiyar ti PNP-Badoc ti nadakamat nga akusado.
