Top 6 Most wanted person iti ili ti Pagudpud, tiniliw dagiti otoridad

LAOAG CITY – Natiliw ti Top 6 Most Wanted Person iti Barangay Baduang iti ili ti Pagudpud.

Daytoy ket babaen iti nagtitipon a pwersa ti PNP-Pagudpud, Laoag PNP, PIU INNPO, Ilocos Norte Maritime Police 101^st MC RMFB1.

Ti akusado ket agtawen 22, baro ken residente iti nadakamat a barangay.

Ti warrant of arrest ket inparuk-at ni Hon. Atemio Hilario Quidila, presiding judge ti RTC Branch 16 ditoy ciudad ti Laoag gapo iti kaso ti akusado a robbery.

Narekomendaran met daytoy ti 120 a ribo a pisos a pyansa ti akusado para iti temporaryo a pannakawaya-waya na.