LAOAG CITY – Ballaigi ti naiyusuat a drug buy bust operation idiay ili ti Pasuquin babaen ti PNP ti nasao nga ili.
Binigbig ni P/C/Inps. Roldan Suitos ti subject ti operasyon a ni Mark Andres, agtawen ti 21, addaan ti asawa ken residente ti Bgy. Maruaya iti ili ti Piddig ngem naikamang iti Bgy. Pob. 4 ti ili ti Pasuquin.
Segun ken ni Suitos, kas resulta ti operasyon ket naala iti ikot ta ti tallo a plastic sachet a naglaon ti maatap a shabu ken ti buy bust money a 500 pesos.
Kuna ni Suitos a dagiti dua a babassit a sachet ket naala da iti bulsa ni Mark a naikarga iti balay ti posporo.
Kuna na pay ni Suitos a maibilang ni Andresiti Top 7 category iti watchlist ti PNP.
Innayon na a front laeng ni Andres ti panagtrabaho na iti NIA kas trabahador iti mar-aramid nga irigasyon.
Isagsagana metten ti PNP ti kaso a panagsalungasing RA 9165 panaglako ken pagikot ti maipawil a droga.
Kabayatan na, naiget met a naglikudan ni Andres ti alegasyon kontra kenkuana ken inpetteng na nga immula da dagiti naala kenkuana.
