LAOAG CITY – Balligi a naarestar ti Top 7 most wanted person ditoy probinysa babaen iti nagtipon a pwersa ti INPPO ken PNP-CIDG.
Nabigbig ti akusado iti nagan a Roldan, agtawen iti 37, awanan asawa, mannalon ken residente iti Brgy. 37-A Casillian iti ili ti Bacarra.
Naamoan a ti warrant of arrest ket inyetnag ni Judge Bonhoper Bernardez iti RTC branch 11 ditoy siudad ti Laoag gapu iti panagsalungasing ti RA 8353 wenno rape.
Nagtalinaed iti kustodyar ti PNP-CIDG ti akusado ken awan ti nairekomendar a piyansa daytoy.
