LAOAG CITY – Balligi a naarestar dagiti otoridad ti maibilang kas Top 7 Most Wanted Person – Regional Level iti Barangay Capasan iti ili ti Dingras.
Segun iti Dingras Municipal Police Station ti akusado ket ni Ariel Agusto Gali, agtawen ti 48, addaan ti live-in partner, ken residente iti nadakamat a barangay.
Basar iti imbestigasion, naarestar daytoy babaen iti inyatnag a warrant of arrest ni Hon. Esperanza Caridad Areniego Orig, Assisting Judge ti Regional Trial Court, First Judicial Region, Branch 11, ditoy siudad ti Laoag City gapu iti sangsanguenna a kaso a 2 counts Qualified Rape ken awan ti nairekomendar a panagpyansa na.
Kabayatanna, kalpasan ti pannakaaresto na naipan ti akusado iti Dingras District Hospital para iti medical examination sakbay a naipan iti Dingras Police Station.
