LAOAG CITY – Natiliw ti Top 7 Most Wanted Person ti Region 2 babaen iti naiyuswat nga entrapment operation bayat nga adda ditoy probinsya.
Nabigbig daytoy a ni Mario Miranda Agliam, 39, addaan ti live-in partner, mannalo, tubo iti Brgy. Mambacag, tubao East, Cagayan ken agdama nga agnanaed iti Brgy. Barcelona iti ili ti Solsona.
Ti nasao nga operasyon ket nagbibinnuligan ti Regional Intelligence Unit (RIU1), PIT Cagayan-RIU2, PHPT-Ilocos Norte, Solsona MPS, Tuao MPS-Cagayan PPO, PIU Ilocos Norte PPO ken RID-PRO2.
Ti warrant of arrest ket inyetnag ni Hon. Pablo M Agustin, Presiding Judge iti RTC Branch 10 Tuguegarao City, Cagayan a napetsaan ti Agosto 7, 2020 gapo iti kaso na a murder.
Iti agdama, ti suspek ket addan iti kustudiyar ti Tuao Municipal Police Station.
