LAOAG CITY – Nagballigi dagiti otoridad a napan nangarestar idiay Tarlac City ti maibilang a Top 7 provincial Level Most wanted person ditoy probinsya.
Basar iti Intelligence Unit ti Ilocos Norte Police Provincial Office (INPPO), ti akusado ket agtawen ti 30, taga Barangay 62-A, Navotas ditoy ciudad ti Laoag ngem iti agdama ket agnanaed iti Barangay San Vicente, Tarlac City.
Inbaga ti INPPO a naarestar ti akusado babaen ti bileg ti maysa a warrant of arrest nga inparuk-at ni Hon. Judge Francisco Quilala, acting presiding judge iti RTC Branch 17 ditoy ciudad gapu iti kaso na a theft.
Nairekomendar ti 140 ribo a pisos a piyansa ti akusado para iti temporaryo a pannakawaya-waya na.
Iti agdama, nagtalinaed ti akusado iti kustodyar ti PPO ken manamnama a maiturnover daytoy iti korte a naggapwan ti warrant of arrest.
