LAOAG CITY – Nagballaigi dagiti kameng ti Philippine Drug Enforcement Agency a nangtiliw ti Top 8 Drug Personality iti Ilocos Norte babaen iti naiyuswat a drug buy-bust operation iti Brgy. 16, Quiling Sur iti ciudad ti Batac.
Nabigbig ti subject ti operasyon a ni Mr. Glenford Menor, agtawen ti 41, mannalon, naasawaan ken residente iti nadakamat a barangay.
Natiliw ni Menor kalpasan a naglako ti maysa a sachet a naglaon ti maipagarop a shabu iti nagpammarang a poseur-buyer.
Nakumpiskar iti ikot ni Menor ti maysa a sangaribo a pisos, P9,000 boodle money ken ti Samsung keypad.
Iti agdama, nagtalinaed ni Menor iti kustodyar ti Philippine Drug Enforcement Agency.
Kabayatanna, inpetteng ni Menor a naipabulsa laeng dagiti naala nga ebidensya kontra kenkuana.
Naamoan a ni Menor ket dati a barangay tanud iti Barangay Quiling Sur iti ciudad ti Batac.
