LAOAG CITY – Balligi ti pannakatiliw ti Top 8 Most Wanted Person iti Provincial Level iti ili ti Nueva Era.
Ti akusado ket agtawen ti 49, naasawaan, construction worker ken residente iti Barangay Manalpac iti ili ti Solsona.
Natiliw daytoy babaen iti nagtitipon a pwersa ti Nueva Era MPS iti panangidaulo ni Plt. Tolentino Erum, Solsona MPS, PIU- INPPO, Banna MPS, 101st RMFB Bomitog ken INPECU.
Inserbi dagiti otoridad ti Alias Warrant of Arrest a napetsaan ti February 26, 2004 nga inparuk-at ni Hon. Melanio C. Rojas Jr, Acting Presiding Judge, RTC Branch 18 iti ciudad ti Batac.
Iti agdama, ti akusado ket adda iti kustudiyar ti PNP Nueva Era para iti umno a disposisyon.
