Ballaigi a naarestar iti maysa a lalaki iti ili ti Adams a maibilang a top 9 most wanted ditoy probinsia.
Ti suspek ket agtawen 39, naasawaan, mangngalap, ken residente iti Brgy. Balaoi iti iliti Pagudpud.
Segun ken ni P/Maj. Adrian Agbannaoag, acting officer ti Ilocos Norte Police Provincial Office, a nangisayangkatda ti operasion kadwada ti Philippine National Police (PNP) Adams, Pamplona, ken Claveria Maritime Law Enforcement Unit tapno iserbi ti warrant of arrest gapu iti panaglabsingna ti Philippine Fisheries Code of 1998 (R.A. 8550) as Amended by R.A. 10654 (Illegal Fishing).
Innayon ni Agbannaoag a daytoy ket naarestar iti Población 1 iti Brgy.1 iti ili ti Adams ken kalpasan ti operasion ket naikabil daytoy ti Adams Rural Health Unit para iti medical ken physical examination ken naikabil iti Philippine National Police (PNP) Adams para iti dokumentasion ken physical examination sakbay a maipaima iti korte.
Kabayatanna, daytoy ket narekomendaran ti agdagup Php 120,000.00 a pagpiasa daytoy para iti temporaryo a panakawaya waya na.
