LAOAG CITY – Kinumpirmaran ni Police Major Jephre Taccad, ti pannakangiwat ti Ilocos Norte Police Provincial Office (INPPO) a natiliw babaen iti bileg ti warrant of arrest ti top 9 most wanted person ditoy siudad ti Laoag.
Binigbig ni Taccad ti akusado a ni Alden Curammeng, agtawen ti 25, baro, tubo iti Barangay Mariquet iti ili ti Solsona ngem agnanaed iti Barangay 51-A, Nangalisan ditoy ciudad ti Laoag.
Ni Curammeng ket sumangsango iti kaso a panaglabsing iti Republic Act (RA) 10175 wenno Cybercrime Prevention Act of 2012.
Nairekomendar ti 60 ribo a pisos a piyansa ni Curammeng para iti temporaryo a pannakawaya-waya daytoy.
