LAOAG CITY – Nagballigi ti nagtitipon a pwersa ti PNP-Bacarra, Provincial Intelligence Unit ken PNP-CIDG a nangtiliw ti maibilang a Top 9 Most wanted Person ditoy probinsya.
Nabigbig ti akusado a ni Charles Siatrez, agtawen ti 44, naasawaan, taga Ilocos sur ngem agdama nga agnanaed iti Barangay Libtong-Apaleng iti ili ti Bacarra.
Natiliw ti akusado babaen ti bileg ti warrant of arrest nga inparuk-at ni Hon. Judge Bonhoper Vergara- Bernandez, Assisting Judge iti 1st Judicial Region ti RTC Branch 11 ditoy ciudad ti Laoag gapu iti kaso na a rape.
Naamoan a ti nasao a warrant of arrest ket naiparuk-at pay laeng idi Nobyembre 4, 2021.
Awan ti nairekomendar a pagpiyansa ti akusado ken iti agdama ket nagtalinaed iti kustodyar ti Ilocos Norte Police Provincial Office (INPPO).
