LAOAG CITY – Natay ti top political leader ti Hamas a ni Salah al-Bardaweel iti inyuswat nga airstrike ti Israel iti ciudad ti Khan Younis.
Basar iti report, malaksid ken ni Bardaweel ket pimmusay pay ti asawa na, ken 18 a sabsabali pay.
Naamoan a bayat ti panagkarkararag da Bardaweel iti uneg ti tent da ket timmama ti airstrikes nga inpabanto ti Israel.
Agpapan ita ket awan pay ti komento dagiti Israeli officials seknan iti napasamak.
Maipalagip nga intuloy ti Israel ti panangiyuswat da t airstrikes iti Gaza kalpasan a nagngudon ti umuna a paset ti ceasefire a nagpaot iti agarop dua a bolan.
