LAOAG CITY – Nagballigi dagiti kameng ti Philippine National Police (PNP) a nangtiliw ti maibilang a Top Most Wanted person ditoy probinsya.
Ti akusado ket agtawen ti 28, baro, mannalon, residente iti Barangay Salbang iti ili ti Paoay.
Natiliw ti akusado iti ili ti Paoay babaen ti warrant of arrest nga inserbi ti nagtitipon a pwersa ti PNP-Paoay nga idaulwan ni Police Lt. Rodel C. Baradi, ti Officer-In Charge iti nasao nga ili, kadwa da ti PIDMU ken PIU INPPO.
Naamoan a ti akusado ket sumangsango ti kaso a 2 counts of rape ken awan ti nairekomendar a piyansa na.
Iti agdama, nagtalinaed ti akusado iti kustodyar ti PNP iti ili ti Paoay.
