LAOAG CITY – Kinumpirmaran ni Mrs. Vilma Toribio, ina ni Peter Matthew Paul Toribio Fowler a nagbalin a top notcher iti Chemical Engineering Board Exam ita a tawen a dua a kurso ti naggiddan nga inleppas ti anak na.
Inbatad na a nagbalin a cumlaude ni Fowler iti dua a kurso nga inleppas na iti Mapua Institute of Technology iti Metro Manila.
Kuna ni Mrs. Toribio a malaksid ti kurso a Chemical Engineering ket inrewdar pay ti anak na ti kurso a BS in Chemistry.
Maipalagip a ni Fowler ket nakagun-od ti average nga 83 percent.
Segun pay ti ina a Toribio, sakbay pay a rimuar ti resulta ti eksaminasyon ket madandanagan ket mabutbuteng ti anak na gapu ta dakkel ti expectation kenkuana dagiti professors na ken mangnamnama da a daytoy ti agtop-1.
Naamoan a ti ina ni Fowler ket taga Barangay Pila ditoy ciudad iti Laoag idinto a ti ama na ket maysa a gangannaet.
