LAOAG CITY – Nagtalinaed a positibo dagiti Pilipino idiay Canada a makaaramid ti pakasaritaan ti Toronto Raptors babaen ti panagkampeon na iti NBA Finals.
Daytoy ket basar ken ni Mr. Nestor Monje, taga Paoay, Ilocos Norte ngem agdama nga agnanaed idiay Toronto, Canada.
Inyistorya ni Monje nga ado da a Pilipino a nagtitipon idiay Canada tapno agbuya ken ikararagan da ti Toronto.
Inpetteng na a napigsa ti Toronto ken napintas ti performance da isut gapu na a mamati a daytoy ti agbalin a kampeon.
Maipalagip a nangatiw ti Toronto idi Game 1 kontra ti Warriors iti iskor nga 118-109 idinto a ti Game 2 ket nakasubbot ti Warriors iti iskor nga 109-104.
