LAOAG CITY – Inpakaammo ni Police Major Dionisio Baldillo, ti chief of police iti ili ti Bacarra a nagtalinaed ti total liquor ban iti ili kalpasan ti pito nga aldaw sipud naipatungpal daytoy.
Kuna na a naiget ti panangipatungpal da ti linaon ti Executive Order (EO) number 2021-015 nga inparuk-at ni Bacarra Mayor Fritzie Dela Cruz-Gapasin.
Malaksid iti daytoy, inbatad ni Baldillo nga agtiliw da pay kadagiti agguummong a tattao nangruna no saan a masurot ti linteg a 15 laeng dagiti mapalubusan nga agatendar ti indoor gathering idinto nga 40 a tattao ti mabalin nga agtitipon iti outdoor gathering.
Kabayatanna, agtalinaed a nakaserra dagiti pagpasyaran a mabalin a pagguummungan ti ado a tattao kas iti baybay ken dadduma pay.
Nagballaag ni Baldillo a dagiti matiliw nga aglabsing kadagiti pagalagadan ket mamulta ti sangaribo a pisos agpangato.
