LAOAG CITY – Ad-adalen ti konseho ditoy ciudad ti Laoag ti pannaka-amendar ti Tower Ordinance kangrunaan na ti pannakaipatungpal ti environmental fee para kadagiti telecommunication facilities ditoy ciudad.
Immunan a naiyuswat ti public hearing mainaig iti daytoy a banag nga inatendaran ni Konsehal Handy Lao, ti chairman ti Committee on Finance ken ti pribado a telecommunication company partikular ti Smart Communication.
Napagsasaritaan iti public hearing a mapagbalin a 50 ribo a pisos ti mabayadan nga Annual Regulatory Fee manipud iti 150 a ribo a pisos.
Mainaig iti daytoy, inbatad ni Lao nga adalen da pay laeng a naimbag no usto ti nailungalong a gatad para iti Annual Regulatory Fee sakbay nga aprubaran da ti pannaka-amendar ti nasao nga ordinansa.
