LAOAG CITY – Natay ti maysa a lalaki kalpasan a nagbekkel iti Brgy. Sta. Cecilia iti ili ti San Nicolas.
Nabigbig daytoy a ni Robert Paradeza, adda iti umno nga edad, agtrabtrabaho ken stay-in iti maysa a furniture shop iti nasao a barangay.
Segun ti anak ti biktima a ni Rojan Paradeza, residente iti Brgy. 6 ditoy siudad ti Laoag, sakbay ti insidente, nagpasyar ti ama na iti pagtaengan da ken naripar na a naliday daytoy.
Kuna na nga arig a nagpadlaw ti ama na gapu ta inar-arakup na dagitoy agraman ti ina na, dua nga aldaw ti naalabas.
Inadmitir ni Paradeza a nagsina dagiti nagannak kenkuana iti kallabes gapu ti kaadda ti mental disorder ti ina na.
Plano na a maimansayag ti bangkay ti ama na iti pagtaengan ditoy siudad ti Laoag.
Iti biang ti PNP San Nicolas, saan pay a masinunuo no adda ti foul play ti insidente.
Immunan a nabirokan ti bangkay ti ama a Paradeza a nakabitin iti dakkel a puon ti mangga usar ti tali itay bigat.
