LAOAG CITY – Kinondenar ni Police Senior Master Sergeant Eric Bumagat, mangidadaulo ti PNP-Traffic Division ditoy ciudad ti Laoag ti arig na mulmulagatan latta dagiti traffic enforcers dagiti tricycle drivers nga agpa-backride.
Segun kenni Bumagat, maiparit ditoy ciudad ti Laoag nga agbackride gapo ta tallo laeng nga indibidual ti mabalin nga agkakalugan iti tricycle.
Inbatad na a no nasursuro ngem tallo ti mailugan iti tricycle ket aglabsing iti linteg trapiko partikular overloading.
Inpetteng na a rumbeng kuma nga annungen dagiti traffic aide ti akem da tapno naannayas ti taray ti trapiko.
Gapo iti daytoy, ginutigot ni Bumagat dagiti umili kangrunaan na kadagiti makasipot a sabali ti ar-aramiden dagiti traffic aide nga ireport laeng dagitoy iti opisina da tapno mapatawan ti pannusa.
Mainaig iti daytoy, kunana a kasarita nan to manen dagiti traffic enforcers tapno masurot ken maipatungpal dagiti linteg trapiko.
Ummuna iti daytoy, nakaawat ti Bombo Radyo Laoag ti reklamo seknan iti maipagarop a saan a panangsita dagiti traffic enforcers dagiti tricycle drivers a sobra ti ilugan da a pasaheros.
