LAOAG CITY – Kalikagum ni Laoag City ABC President ken chairman ti committee on transportation Mikee Fariñas a manayunan dagiti traffic enforcer ditoy siudad.
Segun ken ni Fariñas, 43 laeng dagiti traffic enforcer ditoy siudad nu sadino a lima kadagitoy ket agtrabtrabaho iti opisina iti nagduduma a departamento.
Mainaig iti daytoy, inpakaammo na a dagiti naka duty a traffic enforcer iti paset ti Brgy. Sta. Maria ken Brgy. 1 ken special duty ti deployment da gapu ta off duty koman dagitoy.
Malaksid iti daytoy, inbatad na a dagiti nakaduty kadagiti pagadalan ket adda da iti merkado publiko nga agimanmando ti trapiko.
Inbunannag ni Fariñas a tapno awan ti panagbaliwbaliw ti duty ken pannakaiyakar dagiti traffic enforces ket masapol a manayunan dagitoy kageddan ti naan-anay a pannakaited ti seguridad iti trapiko.
