LAOAG CITY – Nagreklamo ni Mr. Alexander Dichoso gapu iti saan a napintas a pannakasita da kabayatan a nakapaigid ti lugan da ditoy siudad ti Laoag.
Inlawlawag na a binilin na ti katugangan na nga ipaigid ti lugan iti exit ti puregold ken naghazard tapno ilugan da laeng dagiti ginatang na.
Kuna na nga alisto laeng ti garaw da ken idi agsagsagana dan nga agbiyahe ket dimteng ti traffic enforcer a ni Rioteta ken pinilit na dinawat ti lisensya ti katugangan na.
Segun kenni Dichoso, nakisarita da iti traffic enforcer ngem inbilin na a kasarita da ti team leader.
Gapu iti daytoy, nakisarita ni Dichoso a ti lisensya na ti alaen da gapu ta kukua na ti lugan.
Nupay kasta kuna ni Dichoso a naguloan iti pasamak rason nga inbaga na laengan a maticketan daytoy ngem naan-anay nga inala da ti lisensya na ken naibaga nga agsasarita da iti opisina.
Kalikagum laeng kuma ni Dichoso a maticketan iti lugar no sadinno a nasita daytoy.
Kabayatanna, inbaga ni Dichoso a saan na kuma pay laeng a pirmaan ti citation ticket gapu ta kayat na nga iriri daytoy iti City Hall.
Nupay kasta, napilit a pinirmaan na ti ticket gapu ta ti ammo na ket agsasarita da iti opisina ngem dita nga inikkan ti traffic enforcer ti “arogant” kalpasan a napirmaan daytoy.
Ditoyen a nagriri ni Dichoso gapu iti inaramid ti traffic enforcer.
Innayon na a saan met a nagsasao ti madi iti enforcer rason a saan kuma a makumpiskar ti lisensya na ken ti rumrumwar a violation na idi nasita ket saan a panagusar ti seatbelt nupay arig a kaluglugan na laeng kalpasan nga inlugan na dagiti nagatang iti dakkel a groserya.
Kabayatanna, inpetteng ni Mr. Rolet Rioteta, traffic enforcer ditoy siudad ti Laoag nga inaramid na laeng ti pagrebbengan na kas maysa a traffic enforcer gapu ta naglabsing iti pagalagadan da Mr. Alexander Dichoso.
Kuna na a nagkiddaw dagiti maseknan a pakawanen na dagiti maseknan ngem kinasarita na ti nasayaat dagitoy a saan na a mapakawan.
Segun kenni Rioteta, naggapu dagiti maseknan iti abagatan iti Nolasco St rason a sinada na dagiti maseknan gapu ta saan a nakaseatbelt ti driver ken ti pasahero.
Inbatad na a ti rason dagiti maseknan ket agpagpagatas da ti ubing ken idi nagsardeng da ket inyawat da ti ubing nga arig a palusoten.
Kabayatanna, inlawlawag ni Rioteta nga ayaban na dagiti maseknan iti opisina gapu ta saan da nga agpakaanawa ken napagsawsaw-an ti dakes, awanan ti ad-adal da a traffic enforcer a nangegan pay dagiti pulis ken dadduma pay.
Kuna na a daytoy ti gapu ta a ninayunan na ti violation iti parte ni Dichoso.
Innayon ni Rioteta a ni Dichoso ti nakadrive iti lugan a saan a kas iti palawag ni Dichoso nga isuna ti nangako ti violation ti katugangan na nga isu ti driver ti lugan.
