LAOAG CITY – Nagbaliktad ti maysa a trailer truck a nagkarga kadagiti atiddog a landok iti paset ti Barangay Baruyen iti ili ti Bangui.
Daytoy ti inbatad ni Police Staff Sergeant Eddie Tajon, ti chief investigator iti Philippine National Police (PNP) iti ili ti Bangui.
Binigbig ni Tajon ti driver ti trailer truck a ni Alytied Jhon Toriada, agtawen ti 32, taga Agusan del Sur idinto a ti pahinante ket ni Jimuel Arcuno Jr., taga Lanao del Norte.
Segun ken ni Tajon, agpapaamyanan ti trailer truck ken kabayatan ti panagsalug iti agkurba a paset ti nadakamat a lugar ket saanen a maipreno ti driver isut gapuna nga inkabig na a nangitunda ti panagbaliktad na.
Inpakaammo ni Tajon a ti trailer truck ket agturong koma idiay Cagayan.
