LAOAG CITY – Naragsak nga inpakaammo ni Ms. Marinelle Marcos, Public Information Officer ti Technical Education and Skills Development Authority wenno TESDA a mangididiaya ti ahensiada ti Trainers Methodology Level I.
Inbatadna a dagiti agkalikagum a mangala iti nasao nga scholarship ket dagiti manamnama nga agbalin a trainer iti Technical Education and Skills Development Authority.
Inlawlawagna nga adda ti 25 nga slots ti agur-uray kadagiti mangayat a mangala iti nasao a programa.
Kunana a napintas daytoy nga oportunidad para kadagiti umili tapnoa ad-adda pay a maasa dagiti kabaelanda kadagiti nagduduma a banag.
Innayonna nga agtultuloy ti panangidiaya ti Technical Education and Skills Development Authority kadagiti nagduduma a programa para iti pagsayaatan dagiti umili.
