LAOAG CITY – Manamnama ti pannakaestablisar ti Training Center idiay Tuguegarao.
Segun ken ni District Collector Elenita Abaño ti Bureau of Customs Port of Aparri, nangidonar ti Local Government Unit ti Tuguegarao ti lote nga addaan ti kalawa a 1,800 sq. meters.
Inbatad ni Abaño nga iyur-urayda laengen ti pundo manipud iti gobierno nasional para iti 2-storey building nga agbalor ti 30 agingga iti 40 a milyon a pisos.
Inlawlawagna a daytoy a building ket mausar iti Norte a pakibinnuligan dagiti brokers ken custom saan laeng a para iti port no di ket para iti pagilian.
Kabayatanna, inpakaammona nga adda ti inaprobaran ni Commissioner Bienvenido Rubio a donasion ti 2 by 40 a container van nga agbalin a temporary office idiay Tuguegarao kabayatan a maiyur-uray ti pundo.
