LAOAG CITY – Naisayangkat ti training pakaseknan iti umiso a panagusar ti Vote Counting Machine para inton May 2022 Local and National Elections.
Segun ken ni Atty. Alipio Castillo III, ti Provincial Election Supervisor ditoy Ilocos Norte, dagiti kangrunaan a napagsasaritaan ket ti Vote Counting Machine definition, VCM parts and functions, VCM components and peripherals ken transmission devices iti uneg ti dua nga aldaw iti oras ti alas otso ti bigat agingga alas singko ti malem.
Inbatad na nga adda ti innem a Vote Counting Machine ti mausar tapno makita ken maammoan dagiti rumbeng nga umiso nga aramiden inton kaaldawan ti panagbubutos.
Inlawlawagna a babaen iti daytoy ket maliklikan dagiti posible a mapasamak nga aberyakabayatan ti panagbubutos.
Kunana nga ibilangna daytoy nga Extensive and Comprehensive Training tapno maadalan amin dagiti maseknan nga Election Officers iti daytoy a banag.
Inpakaammona a simmangpet dagiti innem a Vote Counting Machines iti napalabas nga aldaw.
