LAOAG CITY -Insardeng nga insigida ti GLEDCO wenno Govt. of Laoag Employees Development Cooperative ti traansaksiyon da iti gobyerno ti ciudad kalpasan a naawat da ti pammilin manipud iti Commission on Audit (COA).
Pinasingkedan daytoy ni Mr. Enrico Aurelio, Chairman ti Board of Directors ti GLEDCO.
Segun ken ni Aurelio, maibialang kadagiti naisardeng a transaksiyon ket ti panaggatang ti ciudad ti gasolina kadagiti gasolinaan ti nasao a kooperatiba.
Maipalagip a dinillaw ni Bokal Vicentito Lazo ti nasao a trasaksiyon a nagkunaan nga adda la nagruden audit report ti COA ket intultloy da pay laeng.
Kabayatan na, inbatad ni Aurelio a napasardeng pay laeng nga agtrabaho ti agnagan ti Diane Rentigrado kalpasan a nadukatal a nakagastos ti nasurok a maysa a million a pisos manipud iti pundo ti nasao pay laeng a kooperatiba.
Kuna na nga idi pinaayaban da daytoy ken nagsaludsudan da panggep ti nasao a banag ket inadmitir na.
Inlawlawag ti Chairman ti Board ti GLEDCO, a kageddan ti panangsuspenso da kenkuana ket iwaywayatdan ti imbestigasyon ken karamanen no adda da pay dagiti sabsabali a kastoy a pasamak ti nasao a kooperatiba.
